AMAN para RTM: Ata nuk vijnë, ja pra u erdhëm ne
- Detajet
- Kategoria: Lajm
- Publikuar më 19 September 2012
- Shkruan Petrit Saracini
- Vizita: 1606
Disa qindra njerëz protestuan për herë të gjashtë në rrugët e Shkupit kundër rritjes së çmimeve të energjisë elektrike, karburanteve dhe ngrohjes qendrore. Përveç EVN, Komisionit Rregullator, Parlamentit dhe Lidhjes së Sindikatave, në skemën e marshit protestues që organizoi iniciativa qytetare AMAN këtë herë u gjet edhe radiotelevizioni publik RTVM- zgjedhur si destinacion përfundimtar për këtë protestë.
Procesionin e printe një "njëqind e njësh". Protestantët të vendosur ta shtyjnë veturën deri në RTVM, sepse, siç thonë ata, benzinë është e shtrenjtë. Përveç aktivistëve të AMAN, në protestat vëreheshin shumë qytetarë të moshuar, të rinj, pensionistë, intelektualë, punëtorë, artistë, gazetarë, punëtorë të ndërmarrjeve të falimentuara – nga të gjitha nacionalitetet. "Drejtësi sociale", "Bukën na e morët", "Nuk ka drejtësi, nuk ka paqe", "Mjaft me shtrenjtimet" dhe variacione në temën "hajdutë-vjedhës-hajna" janë klithmat më të zakonshme të protestuesve. Para qendrës tregtare Mavrovasja, dhe gjatë rrugëtimit nëpër bulevardin drejt RTVM, demonstruesit brohoritnin në gjuhën shqipe dhe maqedonase: "Ejani me ne / Dojdete so nas", "Bashkë më të fortë / Zaedno sme posilni".
Para MRT – britma të fuqishme të pakënaqësisë dhe vërshëllima "Mjaft më heshtje", parullë që është përdorur shumë shpesh në këto dhe në protesta të tjera qytetare të organizuara në vitet e fundit, duket se jehoi më fuqishëm mu para ndërtesës së transmetuesit publik.
Në AMAN thonë se janë të zhgënjyer nga injorimi i total protestave të in iniciativës nga RTVM, për të cilin, rikujtojnë, financohet nga paratë e taksapaguesve. "Na injorojnë. Nuk na japin mbështetje. Nuk vijnë në protestat tona. Nuk i dërgojmë ekipet për të mbuluar protestat. E pra, në qoftë se nuk na vijnë, ja, u erdhëm ne. Të shohim tani vallë nuk do të raportojnë për protestën", thanë iniciatorët e protestës para protestuesve.
Qytetarët të bashkuar në këtë iniciativë janë kategorikë – protestat vazhdojnë çdo të martë, deri sa të përmbushen kërkesat.
